مملكة المرأة

من جمال المرأة أنها كائن حبوب بطبعه (علي رأي صديقي جيمي، بما أن أحنا بقينا بنجيب سيرة بعض في البلوجات) ، بس علي الرغم من أنها كائن حبوب الا أنها عايشة ديما لوحدها جوه مملكتها و هي بتقنع نفسها أنها عايشة مع الناس اللي حواليها

فعلي سبيل المثال لا الحصر تعالو كده نتأمل المرأة في عدة مواقف

1-      المرأة في البيت (مملكة البيت)

·         المرأة في البيت ملكة وفي نفس الوقت الرعايا و الخدم و الحشم و الذي منه

·         المرأة في البيت هي الوحيدة اللي ليها الرأي الأول و الأخير و اللي بعد الأخير بشوية

·         المرأة في البيت هي اللي تنظم  ترتيب العفش و لون الدهان و الديكور و اللوحات اللي هتتحط علي الحيط ولون و نوع السراميك و تطلب أن الريسبشن يكون مستويين حتي لو التصميم الهندسي و الأمان الصناعي للمنزل لا يسمح بهذه الطلبات بس هي ملهاش دعوة

·         المرأة في البيت  مش مسموح لأي حد أيا كان أنه يفكر أو يستجري أو تسول له نفسه أنه يحط لمساته علي أي حاجة ( لأن دي مملكتها هي و بس)

·         المرأة في البيت تتدخل المطبخ في متبقاش ملكة تتحول بقدرة قادر للشيف حسن بتاع قناة الحياة اللي بيفهم في كل حاجة و أي حاجة المهم ......

2-      المرأة في المطبخ (مملكة الطبيخ)

·         المرأة في المطبخ زي مقلنا الشيف اللي مجبتهوش ولادة و هي في الحقيقة ممكن تكون متعرفش يعني أيه طبيخ أصلا

·         المرأة في المطبخ مينفعش يكون حد جنبها ولا حتي جوزها و لا العيل الصغير يعيط ولا أي حاجة ، هتتوتر و الطبيخ هيبوظ (أذا مكنش بايظ من الأساس) و هتتحجج بأبو العيال أو الواد اللي لبخها و يمكن تعد تعيط و تكلم مامتها تشتيكلها

·         المرأة في المطبخ سيدة قرارها و ممكن تحس في وقت من الأوقات أنها بتقود عملية حربية بكل ما أتيت من معدات كهربائية مبتستخدمهاش أصلا

·         نهيته بقه لو أبو العيال دخل المطبخ ، يبقي يومه مش معدي و يتعمل له أستجواب وتحرير محضر فوري أصعب من محاضر أمن الدولة

                                                               i.      أنت أيه اللي دخلك هنا

                                                             ii.      وبتعمل أيه

                                                            iii.      و أيه اللي قلب كيان مملكة المطبخ كده

                                                           iv.      و الحلة دي ايه اللي حرقها كده

                                                             v.      والكاس ده مش مكانه هنا

                                                           vi.      و ......و......و....... كل ده وهو كان بيعمل لنفسه كباية شاي  أو في الأغلاب بيجيب حاجة من الثلاجة

3-      و أخيرا و ليس آخرا .... المرأة في العربية وده الموضوع اللي وعدت (رنيا) أني أكتبه النهاردة (مملكة العربية)

·         المرأة في العربية  بتعتبر نفسها في أحدث المقاطعات المتطورة تكنولوجيا في مملكة المرأة

·         المرأة في العربية كائن فريد من نوعه

·         المرأة في العربية عيشة اللحظة جوة مملكتها و ملهاش دعوة بالرعية و العبيد اللي بره المملكة

·         المرأة في العربية لما تحب تخش يمين أو شمال تلقيها سبحان الله في خلقه أخذت القرار في أقل من الفيمتو ثانية و بسرعة بديهة مبتحصلش و هي بتخطار لون الجزمة أو الشنطة اللي هتلبسهم النهاردة وهي نزلة تسوق العربية

·         المرأة في العربية بستخدم المريات الجانبية و الوسطنية و اللي في الشماسة لتعديل الماكيب و الطرحة أيهم أقرب في الحدوث

·         المرأة في العربية ملتي تسكنج فتلقيها بتطبخ جو شنط أيدها بدور علي الموبيل وبتغسل تحت الدوساة اليمين عشان الموبيل وقع من الشنطة ووخدة بلها من الواد اللي بيعيط وراها فتروح ((هوبا )) الواد و تغيرله كمان وبتعمل شوبنج بأنها تتفرج علي كل المحلات اللي في الشارع و تسرح معاها ومع الموضة اللي نزلة السنة دي وتفتكر تكلم كل صحبتها تخد رأيهم بعد متلاقي التليفون اللي كان جوه الطرحة وهي مش حسة أصلا بس الأهم من كده بقه أنها بتنسي تسوق العربية اللي هي ركباها و في طبور عربيات وراها بسيبو و يلعنو للـلي أداها رخصة السواقة

·         المرأة في العربية عندها سرعة بديها في حاجتين بس ، الأولي لما بتحب تدخل يمين أو شمال ودي قلناها قبل كده و الثانية أنها تصوت وده بيحصل لما تكون داست واحد ومات أو بيموت أو خبطت العربية اللي مشية جنبها عشان الدريكسيون رمي عليه لوحده أو ماشية في المعاكس أو بتأخذ يو ترن و العربية بطلت أو دخلة علي كمين أو بتركن العربية في حتة زحمة و كل ده عشان بتنسي تدوس علي الفرامل ده لو فاكرة أني في فرامل أصلا.

كيفية كده مملكات النهاردة و للحديث بقية أن كان في العمر بقية