حـــــــداد

حـــــــداد

لم أكن أتخيل أن يأتي علي اليوم وأن أنتقد ما في بلدي من أوضاع خاطئة ، بل وأتمرد عليها وأتعجب من أحوال سكانها لما سكتو علي مثل هذه المهانة و المزلة و الرضا بالواقع و الصبر عليه إلي أن يأتي الفرج من عند الله ليس هذا فقط وحسب بل أنهم علمونا أن نسكت مثلهم و أن نرضي و لا نتمرد و لا نشتكي .....

منذ أن خطت قدميً بلاد الفرنجة و أنا أنظر أليها علي أنها بلاد لا تختلف عن بلادنا الكثير وأن شعبها أناس مثلنا جميعا ، ربما ما يفرقنا هو أنهم أتو موارد تختلف عن مواردنا وتعداد سكاني ربما أقل أو أكثر أو مثلنا في الكثافة وليس في التوزيع الجغرافي وحده ولكنهم في النهاية أدركوا كيفية أستغلال مواردهم البشرية قبل الطبيعية الأستغلال الصحيح و الأمثل لتحقيق النهضة..... النهضة ... واخد بالك عزيزي القارئ من كلمة النهضة دي ... النهضة.

بالأمس لفت أنتباهي خبر ، قد شاركته صديقة وأخت عزيزة  بصفحتها علي أحد المواقع الأجتماعية ، يقول :

فى السبعينات في اليابان ... حدث مرّة أن سيدة عمياء خرجت من بيتها تركب القطار ... ولأن محطة القطارات وقتها ليست مجهزه للعميان ... سقطت المرأة تحت قضبان القطار وقُتلت .

الحادث كان مفجع حتى أن اليابانيين أعلنو الحداد العام والثأر للعمياء القتيلة !

الثأر بعد إقالة الحكومة ...  كان بوضع خطة متكاملة وشاملة على مستوى اليابان لخدمة ذوي الإحتياجات الخاصة (ليس للعمي فقط ) ..بل كل من هم ذوي إعاقة .

في اليابان اليوم , تخرج المرأة العمياء (وحدها) وتستقل المترو أو القطار بدون أدنى مساعدة من أي شخص !

إن كنت تسير في اليابان على الطرق المخصصة لذوي الإحتياجات الخاصة سترى رسالة مكتوبة على طرقاتهم

( تخليداً لمن أيقظت ضمير الشعب الياباني )

و أحنا مش عارفين نعمل تخليد لمين ولا مين .... وده لما كنا في السبعينات ...

بس أحنا في السبعينات كنا بنحارب ...  يعني نحارب ولا نعمل القطارات..... ماشي يا سيدي معاك حق ..... بس اليابان دي برضه أضربت بنواوي ... و بنيت نفسها من تحت الصفر بشوية حلوين في أقل من خمسين سنة و أحنا بنهد في أنفسنا من أول ماخلقنا ربنا

أول ماقرأت الخبر ... روحت و جيت و قرارت أكتب و يارتني ما أبتاديت

بالصدفة برضه لما قرأت الخبر كنت في بلد ثانية غير اللي أنا مسافر فيها ، فقلت لنفسي متيجي طيب تقارن الدولتين الفرنجيتين دول مع بعض ( د1&  د2) وبعدين أبقي أشوف بلدي فين ؟!

1. و أنا رايح المطارفي د1 القطار أتأخر عن معاده المحدد حوالي 15 دقيقة ، الحمد لله أن أحنا كنا مقرارين نروح المطار بدري شويتن عن معاد الطائرة اللي هي نص ساعة يعني مش ثلاثة ساعات قبل معاد الطائرة ، و كان معي أحد سكان د1 و كان متضايق جدا وسألني نعمل أيه ، قالت له هنروح بالقطار و أن شاء الله هنلحق معادنا .... قالي أحنا ممكن نشتكي حالا والمسئولين عن القطار هيستأجروا سيارة توصلنا المطار في المعاد المحدد ، طبعا أنا لفتحت فمي ولا تنحت ولا أي حاجة ما أحنا بيحصل كده في بلدنا برضه ، المهم أخدنا القطار ووصلنا بالسلامة ولحقنا الطائرة الحمد لله
2. لما وصلنا د2 بقه أكتشفت أن د1 دي من دول العالم الرابع ،ليه بقه، لأن القطار فيها  بيمشي فوق الأرض و كمان بيعدي علي مزلقنات بس من غير ما يدهس الناس اللي في العربيات ، عشان المزلقان عليه حواجز الكترونية بتقفل وتفتح بالتوافق مع مواعيد القطار حتي وهو متأخر ، و كمان عشان القطار فيها بيتأخر أم في د2 فالقطار بتاعها بيمشي تحت الأرض يجي بـ 150 / 200 متر و مبتعديش علي مزلقنات و كمان مبتتأخرش ، ده غير بقه نظافة وجمال وحلاوة القطار و المحطة و الديزين و التكنولوجي و الأجمل أحترامهم لكيانك الأنساني وعلي فكرة الناس هنا برضه بتقف في المترو و بيكون زحمة بس الناس بتحترم بعضها و اللي هيركب بيستني اللي نازل الأول .... زي عندنا بالضبط

وكله ده وأنا لسه ما سلفرتش اليابان ، أمال لو سافرت هقول علي بلدنا أيه ....

العجيب برضه، أن أنا أكتشفت أن أحنا بنعشق الفهلاوة و كمان متعة أنتهاك القوانين حتي في بلاد الفرنجة و يمكن أنا أول الناس دي وأصحابي اللي راكبو معايا السيارة و أخذتهم في أحد مغامرات سواقتي يشهدو بكده .... أنا من أول الناس اللي بتستمتع بأنتهاك القوانين و يمكن ده عشان أحساس الظلم اللي الواحد كان ديماً عايش فيه و أن القوانين دي لم تكن تطبق إلا علي الغلابة اللي معندهمش لاظهر و لابطن (سلطة) في البلد .... جايز برضه ... بس ده مش مبرر

و لقيت هنا برضه ناس بتنتهك القوانين ،  بس للأسف هم الأقليه مش الأغلبية وكمان لما بيعملو كده بيتنهرو من الناس اللي مش بينتهكو القوانين وفي معظم الأحيان بيبلغو عن بعض ... شوف النادلة يأخي ... بس ده اللي بيسموه هنا مراقبة الشعب للشعب

الخلاصة تفتكرو مين السبب للي وصلنا ليه و تفتكرو هيجي اليوم اللي هنكون فيه زي دول العالم الرابع دي. أكيد هيجي .. لازم يجي ... أحنا لما حبينا ننضف شورعنا ...  مصر كلها نضفت و أدهنت في يومين ، أينعم وسخناها تاني في ساعتين بس بلادنا و أحنا أحرار فيها

أحنا محتاجين بس نشعر بالأمان و الكرامة و الأحترام والعدل و المساواة و ...و....و.....و....

أحنا محتاجين نرجع بني أدمين ونتعلم يكون لنا دين ومن نفسنا مكسوفين وعن أخطائنا مسئولين

وهنا قرارت أقف باقي عمري حداد .. لحد ما أشوف أهلي و بلدي جداد    

أنا هفضل متفأل .... أنا متفأل يا جيمي ... أما متفأل يا هيثم بكار ... أنا متفأل يا مصر